Latest Recipes

നെത്തോലി മീന്‍ ഫ്രൈ

നെത്തോലി മീന്‍ ഫ്രൈ
By : Rajamony Kunjukunju

ആവശ്യം വേണ്ടത്:

തേങ്ങ വറുത്തരച്ചത് -അര കപ്പ്
നെത്തോലി മീന്‍ -അരക്കിലോ
ചെറിയ ഉള്ളി -അര കപ്പ്
വെളുത്തുള്ളി -20 അല്ലി
ഉലുവ വറുത്ത് പൊടിച്ചത് -ഒരു ടേബ്ള്‍ സ്പൂണ്‍
മുളകുപൊടി -രണ്ട് ടേബ്ള്‍ സ്പൂണ്‍
മഞ്ഞള്‍പ്പൊടി -ഒരു ടീ സ്പൂണ്‍
എണ്ണ, ഉപ്പ് -ആവശ്യത്തിന്

പാചകം ചെയ്യുന്ന വിധം:

നെത്തോലി മീന്‍ വൃത്തിയാക്കിയശേഷം തല നുള്ളി മാംസം വിടര്‍ത്തി മുള്ള് എടുത്തുകളയുക. ഇതില്‍ മഞ്ഞള്‍പ്പൊടിയും ഉപ്പും പുരട്ടി വറുത്തെടുക്കുക. പിന്നീട് അതേ പാനില്‍ ആദ്യം വെളുത്തുള്ളിയും പിന്നീട് ചെറിയ ഉള്ളി ചെറുതായരിഞ്ഞതും ചേര്‍ത്ത് വഴറ്റുക. ശേഷം മുളകുപൊടിയും മഞ്ഞള്‍പ്പൊടിയും ചേര്‍ക്കുക. ഉലുവപ്പൊടിയും വറുത്തരച്ച തേങ്ങയും വറുത്ത മീനും ചേര്‍ത്ത് മസാല പിടിക്കാന്‍ അടച്ചുവെക്കുക.

എണ്ണയില്‍തന്നെ മയം വരേണ്ടതിനാല്‍ ആവശ്യത്തിനുള്ള എണ്ണ ചേര്‍ത്തിരിക്കണം. മീന്‍ മയം വന്നാല്‍ തുറന്നുവെച്ച് നന്നായി ഉലര്‍ത്തണം. വാങ്ങി ചൂടാറിയാല്‍ നനവില്ലാത്ത പാത്രത്തിലാക്കി ഫ്രിഡ്ജില്‍ വെച്ചാല്‍ കുറെ ദിവസം കേടാകാതിരിക്കും. ലഞ്ച് ബോക്‌സിലേക്ക് പറ്റിയ നല്ലൊരു വിഭവമാണിത്. ചെമ്മീന്‍ കൊണ്ടും ഇങ്ങനെ തയാറാക്കാം.
« PREV
NEXT »

No comments

Post a Comment

ഈ റെസിപി നെ കുറിച്ചുള്ള നിങ്ങളുടെ അഭിപ്രായം താഴെ എഴുതി അറിയിക്കുക.

Please do Comment Here Your Views About This Recipe, We respect your Comments...

so please dont hesitate to comment