Latest Recipes

ചിക്കന്‍ റോള്‍


ചിക്കന്‍ റോള്‍ 
By : Indu Jaison
എല്ലില്ലാത്ത ചിക്കന്‍ - 250 ഗ്രാം 
സവാള – 1 എണ്ണം
പച്ചമുളക് – 1-2 എണ്ണം 
വെളുത്തുള്ളി – 3-4 അല്ലി (ചെറുതായി അരിയണം)
ഇഞ്ചി – ചെറിയ ഒരു കഷ്ണം
മഞ്ഞള്‍ പൊടി – 1 നുള്ള്
കുരുമുളക് പൊടി – ½ ടീസ്പൂണ്‍
ഗരം മസാല – ½ ടീസ്പൂണ്‍
ചിക്കന്‍ മസാല - 1 ടീസ്പൂണ്‍
കറിവേപ്പില - 1 തണ്ട്
വെളിച്ചെണ്ണ
മല്ലിയില കുറച്ച്
ഉപ്പ്

മൈദ -1/2 കപ്പ്
ഉപ്പ്
വെള്ളം ആവശ്യത്തിന്
ബ്രഡ് പൊടി(bread crumbs)
വെളിച്ചെണ്ണ ആവശ്യത്തിന്
മുട്ട – 2 എണ്ണം

ഉണ്ടാക്കുന്ന വിധം :

ചിക്കന്‍ മഞ്ഞള്‍പൊടിയും + ഉപ്പും കുറച്ചു വെള്ളം ചേര്‍ത്തു വേവിക്കുക.

ഫ്രയിംഗ് പാനില്‍ ആവശ്യത്തിനു വെളിച്ചെണ്ണയൊഴിച്ചു സവാള, ഇഞ്ചി, വെളുത്തുള്ളി , പച്ചമുളക്, കറിവേപ്പില എന്നിവ ഇട്ട് വഴറ്റുക.

ഇതിലേക്ക് ചിക്കന്‍ മസാല , ഗരം മസാല, കുരുമുളക് പൊടി എന്നിവ കൂടി ചേര്‍ത്തു നന്നായി വഴറ്റുക.
ഇതിലേക്ക് വേവിച്ചു വെച്ചിരിക്കുന്ന ചിക്കന്‍, ചെറിയ കഷണങ്ങള്‍ ആക്കി ഇട്ടു നന്നായി ഇളക്കുക. മസാലകള്‍ എല്ലാം ചിക്കനില്‍ നന്നായി ചേര്‍ന്നാല്‍, മല്ലിയില ചേര്‍ത്തു അടുപ്പില്‍ നിന്നും വാങ്ങി ചൂടാറാന്‍ വെക്കുക.

വേറൊരു പാത്രത്തില്‍ മൈദയും ഉപ്പും ആവശ്യത്തിനു വെള്ളവും ചേര്‍ത്തു കലക്കുക.

ഒരു പാന്‍ അടുപ്പില്‍ വെച്ച് ഓരോ തവി വീതം ഒഴിച്ച് ദോശ പോലെ ചുട്ടെടുക്കുക.


ഓരോ ദോശയുടെ ഉള്ളിലും അല്പം മസാലക്കൂട്ട് വെച്ച് റോള്‍ ചെയ്തു എടുക്കുക.

ഫ്രയിംഗ് പാനില്‍ ആവശ്യത്തിനു എണ്ണയൊഴിച്ച് ചൂടാക്കി , ഒരോ റോളും എടുത്ത് മുട്ടയില്‍ മുക്കി, അതിനു ശേഷം ബ്രഡ്ക്രംസിലും ഒന്ന് തട്ടിപ്പൊത്തി ബ്രൌണ്‍ നിറമാകുന്നതു വരെ തിരിച്ചും മറിച്ചും ഇട്ടു ഫ്രൈ ചെയ്തെടുക്കുക .

ഇതു റ്റൊമാറ്റൊ സോസിനൊപ്പം കഴിക്കാം.
« PREV
NEXT »

No comments

Post a Comment

Our Website is One of the Largest Site Dedicated for Cooking Recipes