Latest Recipes

പയറ്റു പ്രഥമൻ

ഒരു പദ്യ പായസ പാചകക്കുറുപ്പടികൂടി - പയറ്റു പ്രഥമൻ
By : Nishikanth Gopi

ചട്ടിയിലൊരു കിലോ
വറുത്തു, ‘ചെറുപയർ’;
പൊട്ടുമ്പോൾ കോരിച്ചൂടു
പോകുമ്പോളമ്മിക്കല്ലാൽ
പൊടിയാതുടച്ചു തോൽ
കളഞ്ഞു കിട്ടും പരി,-
പ്പൊട്ടൊന്നു കഴുകി,ക്കൽ
ത്തരികൾ മാറ്റീടണം

അപ്പയറിരു ലിറ്റർ
വെള്ളത്തിൽ വേവിച്ചന്ത്യം
ശർക്കരയൊരുകിലോ
അരിച്ചു പകരേണം
കാൽ ലിറ്റർ വറ്റിക്കേണം;
നാളികേരങ്ങൾ മൂന്നിൻ
ഒന്നാം പാലര; വെള്ളം
ചേർത്തു ര,ണ്ടൊരു ലിറ്റർ.

രണ്ടാം പാൽ, തിളയ്ക്കുന്ന
പരിപ്പിലൊഴിച്ചതു
കൊഴുപ്പായീടും വരെ
ഇളക്കിച്ചേർത്തിട്ടന്ത്യം
വാർത്തു വെച്ചൊന്നാം പാലും
പൊടിച്ചോരേലയ്ക്കയും
ചേർത്തിളക്കിയാൽ…. ഗർ…!!! ഗർർർ…!!
പയറ്റു പ്രഥമനായ്..!!!


ഓട്ടോ:
തേങ്ങാക്കൊത്തരിഞ്ഞതും
കിസ്മിസ്സും കശുവണ്ടി-
പ്പരിപ്പും നെയ്യിൽ വറു
ത്തെടുത്തു ചേർക്കാം വേണേൽ!
സുന്ദരിമാർ തൻ കയ്യാൽ
വച്ചു നൽകീടിൽ കാന്തർ
തന്നിടും മധുരാർദ്ര
സമ്മാനമുടനടി...!!

ശേഷം ചിന്ത്യം!!
« PREV
NEXT »

No comments

Post a Comment

ഈ റെസിപി നെ കുറിച്ചുള്ള നിങ്ങളുടെ അഭിപ്രായം താഴെ എഴുതി അറിയിക്കുക.

Please do Comment Here Your Views About This Recipe, We respect your Comments...

so please dont hesitate to comment