Latest Recipes

ചെണ്ടന്‍ കപ്പ

ചെണ്ടന്‍ കപ്പ 
**********

ആവശ്യമായ സാധനങ്ങള്‍.


1.ഒരു വട്ടമുള്ള പാത്രം.

2.ഒരു കിലോ കപ്പ.

3.കപ്പ മുങ്ങിക്കിടക്കുവാന്‍ ആവശ്യമായ വെള്ളം.

4.ഉപ്പ്‌ആവശ്യത്തിന്.

5.ഒരു കത്തി.

6.ഒരു ഗ്യാസ്‌ അടുപ്പ്

7.ഒരു ഗ്യാസ് സിലിണ്ടര്‍


തയ്യാറാക്കുന്ന വിധം

കപ്പയെ തൊലി കളഞ്ഞു കഷ്ണങ്ങള്‍ ആക്കി കഴുകുക.

ഗ്യാസ് അടുപ്പ് ഓണ്‍ ആക്കി, അതില്‍ പാത്രം വെച്ച്, വെള്ളമൊഴിച്ച്, അതിലോട്ടു കപ്പ കഷ്ണങ്ങള്‍ ഇട്ടു കൊടുക്കുക.

കപ്പ വേവുന്നത്‌ വരെ തീ കത്തിക്കുക.

കപ്പ വേവുന്നതിന് മുന്‍പ് ആവശ്യത്തിന് ഉപ്പു ചേര്‍ക്കുക.

കപ്പ വെന്തു കഴിഞ്ഞാല്‍, ഗ്യാസ് അടുപ്പ് ഓഫ് ചെയ്യുക.

കപ്പ പുഴുക്ക് വാങ്ങി കപ്പയിലെ വെള്ളം ഊറ്റി കളയുക.


ഇതാണ് ചെണ്ടന്‍ കപ്പ പുഴുക്ക് എന്ന സംഭവം


ഉള്ളിയും കാന്തകാരിമുളകും ഉടച്ചത്.
***********************
പെട്ടെന്നുണ്ടാക്കാവുന്ന ഒരു തരം ചമ്മന്തി. നന്നായി വിശക്കുമ്പോള്‍ നല്ല്ല ചുടു ചോറിന്റെയും തൈരിന്റെയും കൂടെ കഴിക്കാവുന്നത്. . പച്ച കപ്പ പുഴുങ്ങിയതിന്റെ കൂടെ ബെസ്റ്റ് ആണിത്.

കത്തി, ടിസ്പൂണ്‍ എല്ലാം ആദ്യമേ തന്നെ ദൂരേക്ക് മാറ്റിവെക്കുക. ഈ വക ഐറ്റംസ് ഉപയോഗിച്ചാല്‍ ഇതിന്റെ ടേസ്റ്റ് പോകും.

സാധനങ്ങള്‍

1) വാടാത്ത ചെറിയ ഉള്ളി - 20 എണ്ണം
2) കാന്തക്കാരി മുളക് - ആവശിയത്തിനു ( എരിയുടെ ആവശിയകത അനുസരിച്ച് കൂട്ടുകയോ കുറയ്ക്കുകയോ ആവാം)
3) കറിവേപ്പില ഫ്രഷ് ആയത് - നാലോ അഞ്ചോ ഇലകള്‍
4) വെളിച്ചെണ്ണ - 1 ടിസ്പൂണ്‍ (ആവശ്യം പോലെ ഉപയോഗിക്കാം)
5) ഉപ്പ് - പാകത്തിന്

ഉണ്ടാക്കുന്ന വിധം

പണ്ടൊക്കെ വല്ല്യമ്മച്ചിമാര്‍ തടികൊണ്ടുള്ള അടപ്പുചട്ടിയില്‍ (അടച്ചൂറ്റി) വച്ചായിരുന്നു മരത്തവികൊണ്ട് ഈ ചമ്മന്തി ഉണ്ടാകിയിരുന്നത്. ഇപ്പോള്‍ അടപ്പുച്ചട്ടി (അടച്ചൂറ്റി) കണ്ടിട്ടുള്ളവര്‍ വിരളം ആണല്ലോ. അതിനാല്‍ നമുക്ക് ഒരു സ്റ്റീല്‍ പാത്രത്തില്‍ ഉള്ളിയും മുളകും എടുത്തു ഒരു തവികൊണ്ട് നന്നായി ഉടക്കാം. അതിലേക്കു കറിവേപ്പിലയും ആവശിയത്തിനു ഉപ്പും ചേര്‍ത്തു വീണ്ടും ഉടച്ച് വെളിച്ചെണ്ണ ചേര്‍ത്തു നന്നായി ഇളക്കുക. എരിവ് കൂടിയെങ്കില്‍ അല്‍പ്പം വാളന്‍പുളി ചേര്‍ത്ത് എരിവു നിയന്ത്രിക്കാം.
« PREV
NEXT »

No comments

Post a Comment

Our Website is One of the Largest Site Dedicated for Cooking Recipes